Sport

Novak Đoković pobijedio Karaceva i ušao u finale Australijan opena

Lijepo je bilo dok je san trajao, ali bajka je završena. Aslan Karacev može da bude ponosan na sve što je učinio na prvom grend slem nastupu, na skalpove Švarcmana, Ože Alijasima i Dimitrova, ali danas mu je Novak Đoković poručio: Dobro došao u veliku ligu! Prvi reket svijeta je sa puno autoriteta u igri počistio 114. tenisera svijeta sa 6:3, 6:4, 6:2 i plasirao se u finale Australijan Opena u kome će pojuriti 18. grend slem titulu, devetu u Melburnu.

Od samog starta vidjela se Novakova namjera da rivalu pokaže na kakvu se zvijer namjerio. Dugim razmjenama demonstrirao mu je da danas neće moći da računa na psihološe krize protivnika. Đoković je iznad toga. Đoković je mentalna velesila.

I toliko bolji teniser od Karaceva da na to ne treba ni trošiti previše riječi. Svaka čast Karacevu što se držao do 3:3 u prvom setu, svaka čast na brejku krajem drugog, na tome što nije odustajao ni kad je već bilo jasno da smo u polufinalu Australijan Opena svjedočili igri mačke i miša. Nije odustajao ni kada mu je poslije sve te drame Đoković uzeo brejk već na startu trećeg seta i na tome: kapa dole. Junački se borio i izbjegao sudbinu Luke Puja s kojim je 2019. Đoković za sat i 23 minuta obrisao patos prepustivši mu samo četiri gema.

Nije danas bilo toliko lako, bilo je trenutaka kada bi oni koji ne poznaju Đokovića mogli da pomisle da Kravcev ima šansu. Ali nije je imao. Novak bi ovaj meč dobio i da je skakao na jednoj nozi.

Đoković je na trenutke izgledao kao da polufinale grend slema koristi kao teži trening sa sparing partnerom, kao da namješta glavu za taj konačni izazov, u kome će ga sačekati bolji iz sutrašnjeg duela Danila Medvedeva i Stefanosa Cicipasa.

Biće to finale mnogo zahtjevnije. Biće to igrači koji su igrali velike mečeve. Protiv Medvedeva je Đoković do sada igrao sedam puta i dobio četiri računajući tu i osminu finala Australijan Opena iz 2019. Sa Cicipasom se sastajao šest puta uz skor od četiri pobjede i dva poraza. S tim da je Novak dobio posljednja tri, zaključno sa polufinalom Rolan Garosa 2020. kada ga je matirao u pet setova.

Moraće u nedjelju da bude još suroviji, moraće brutalno da gađa svaku slabost rivala, ko god to bio. Moraće u suštini samo da bude ono što jeste – Novak Đoković, najbolji teniser svijeta. Mašina koja melje rivale, malo udarcima, malo tom psihičkom snagom koja rivalima isisava samopouzdanje dok polako postaju svjesni sopstvene nemoći.

Jer kad je Novak najbolji Novak onda niko nema šanse. I ako tako bude i u finalu Australijan Opena onda će značajno porasti i šanse da padne i posljednji argument u prilog tezi da su Rodžer Federer i Rafael Nadal najbolji u istoriji tenisa: njihovih po 20 grend slem trofeja.

Đoković juri broj 18. i izgleda riješen da ako treba pojede svaku prepreku na tom putu.

Izvor: Mozzart sport

Svi članci objavljeni na internet stranici Radija Brčko (www.radiobrcko.ba) isključivo su vlasništvo redakcije. Radio Brčko dopušta ograničeno i povremeno prenošenje članaka sa svoje internet stranice u drugim medijima. Drugi mediji smiju prenijeti informacije iz pojedinih članaka sa Internet stranice Radija Brčko (www.radiobrcko.ba) isključivo kao kratku vijest od najviše četiri reda (300 slovnih znakova), uz obavezno navođenje izvora (Radio Brčko), pri čemu su on-line izdanja dužna objaviti link na originalni tekst na web stranicu radiobrcko.ba, ukoliko s uredništvom portala nije postignut dogovor o drugačijim uslovima. Radio Brčko je odlučan u nastojanju da zaštiti svoje intelektualno vlasništvo i rad svojih autora. Ukoliko se bilo koji dio teksta ili informacija iz teksta objavljenog na internet stranici www.radiobrcko.ba prenese suprotno ovim pravilima, protiv prekršioca će biti pokrenut pravni postupak pred Osnovnim sudom Brčko distrikta. Za detaljnije informacije o uslovima korištenja klinite na USLOVI KORIŠTENJA.

Povezani članci

Back to top button